Аж үйлдвэр, эрдэс баялгийн салбарын хувьд хамгийн чухал асуудал нь газрын тосны бүтээгдэхүүний тогтвортой нийлүүлэлт. Сүүлийн 34–36 жилийн хугацаанд Монгол Улс, Оросын Холбооны Улс хоёрын хооронд нефтийн бүтээгдэхүүн нийлүүлэх Засгийн газар хоорондын бие даасан хэлэлцээр байгаагүй. Харин одоо уг хэлэлцээрийг УИХ-аар хэлэлцүүлэхээр бэлтгэж байна. Уг хэлэлцээр амжилттай болвол, шатахууны хомсдолтой дахин нүүр тулахгүй байх боломж бүрдэх аж.
ОХУ-ын Эрчим хүчний сайд Сергей Цивилевтэй эцсийн байдлаар зөвшилцөж, хаврын чуулган эхлэхтэй зэрэгцэн уг хэлэлцээрийг яаралтай горимоор батлуулахаар төлөвлсөн.Ингэснээр хоёр улсын Засгийн газар хоорондын түвшинд нефтийн бүтээгдэхүүнийг тогтвортой, тасралтгүй нийлүүлэх эрх зүйн орчин бүрдэх юм. Өмнө нь нийлүүлэлт аж ахуйн нэгжүүдийн хоорондын гэрээгээр зохицуулагддаг байсан.
СЭТГЭГДЭЛ БИЧИХ