Энэ сарын 26-ны өдөр Цус сэлбэлт судлалын үндэсний төвөөс цус, цусан бүтээгдэхүүнийг дроноор тээвэрлэн 10 минутын хугацаанд Гэмтэл согог судлалын үндэсний төвд хүлээлгэн өгчээ. Энэ нь тус төв цус, цусан бүтээгдэхүүнийг дроноор хүргүүлэн авсан хоёр дахь удаагийн тохиолдол болжээ. Анх 2025 онд ийн агаарын тээвэрлэлт хийсэн байна.
Дашрамд дурдахад, Цус сэлбэлт судлалын үндэсний төв 2024 оноос яаралтай тохиолдолд эмнэлгийн тусламж үйлчилгээнд нэн шаардлагатай цус, цусан бүтээгдэхүүнийг дроноор тээвэрлэж эхэлжээ. Одоогоор Эх хүүхдийн эрүүл мэндийн үндэсний төв, Гэмтэл, согог судлалын үндэсний төв, АШУҮИС-ийн Монгол Японы эмнэлэг зэрэг 14 эрүүл мэндийн байгууллага руу захиалгын дагуу агаарын хүргэлтийг түргэн шуурхай хийж, эмнэлгийн тусламж үйлчилгээг цаг алдалгүй үзүүлэх, иргэдийн амь насыг авран хамгаалахад үнэтэй хувь нэмэр оруулан ажиллаж байгаа аж.
СЭТГЭГДЭЛ БИЧИХ