Монгол Улсад хэрэгжиж буй ДОХ болон сүрьеэгийн хөтөлбөрийн олон улсын үнэлгээний баг Сэлэнгэ аймагт ажиллаж байна.
ДОХ, сүрьэгийн чиглэлээр мэргэшсэн олон улсын болон үндэсний зөвлөх мэргэжилтнүүдээс бүрдсэн тус баг энэ чиглэлээрх цаашдын бодлого, стратегийг тодорхойлох, санхүүжилтийн асуудлыг шийдвэрлэхэд нотолгоонд суурилсан үндэслэлийг бүрдүүлэхээр ажиллаж байгаа юм.
Тус багийнхан өчигдөр тус аймгийн Алтанбулаг суманд ажилласан. Өнөөдөр аймгийн Нэгдсэн эмнэлгийн сүрьеэ, бэлгийн замаар дамжих халдварын кабинетуудад ажиллана.
ДОХ болон сүрьеэгийн үндэсний хөтөлбөрүүд нь халдварт өвчний тархалтыг бууруулах, нас баралтыг хязгаарлах, оношилгоо, эмчилгээ, урьдчилан сэргийлэх, тусламж үйлчилгээний хүртээмж, чанарыг сайжруулахад чиглэж байна.
Мөн үндэсний хэмжээний бодлого, стратегийн баримт бичигт тулгуурласан цогц үйл ажиллагаа гэдгээрээ онцлогтой юм.
Олон улсын хөндлөнгийн үнэлгээг тодорхой үе шаттайгаар ийнхүү зохион байгуулж байгаа нь дээрх хөтөлбөрүүдийн хэрэгжилтийн явц, үр дүнг бодитой, хараат бус байдлаар үнэлэхэд нөлөөлөх юм.
Олон улсын үнэлгээний баг энэ сарын 26-ныг дуустал Сэлэнгэ аймагт ажиллана.
СЭТГЭГДЭЛ БИЧИХ