Украины ерөнхийлөгч Володимир Зеленский энэ сарын 24-нд сонгуулийн тов зарлана гэсэн мэдээлэл гарч байгаа ч тэрбээр үүнийг албан ёсоор няцаажээ. Түүний ажлын албаны хэвлэлийн төлөөлөгч “Аюулгүй байдал бүрэн хангагдаагүй нөхцөлд ямар ч огноог зарлахгүй” гэдгийг тодотгосон байна. Дэлхийн олон улсын анхаарал татсанчлан 2026 оны хоёрдугаар сарын 24 нь Украины хувьд Оросын эсрэг дайн эхэлсний дөрөв дэх жилийн ойтой давхцаж байна.
АНУ-ын талын дарамт дараалан нэмэгдэж, Вашингтон Украин 2026 оны тавдугаар сарын 15-наас өмнө сонгуулиа явуулахгүй бол аюулгүй байдлын баталгааны талаар Америкийн тусламж авах боломжгүй болохыг сануулж байгаа юм. Мөн энэ хаврын туршид энхийн хэлэлцээг эцэслэх шаардлагатай гэдгийг онцолж байгаа аж.
В. Зеленский өнгөрсөн Баасан гаригт (2026.02.06) хийсэн мэдэгдэлдээ АНУ Украинтай зургадугаар сарын дотор дайныг зогсоох бүх шаардлагатай баримт бичгүүдэд гарын үсэг зурсныг хармаар байна гэж хэлжээ. Гэсэн хэдий ч Украины газар нутгийн ойролцоогоор 20% нь Оросын хяналт дор байгаа, фронтод олон мянган цэрэг тулалдаж байгаа, мөн сая сая иргэн хоорондоо болон гадаадад байгаа ийм нөхцөлд сонгууль явуулах боломж тун хүнд гэж Зеленский өмнө нь удаа дараа онцолсон. Тэрбээр “Украин сонгуульд бэлэн, гэхдээ эхлээд гал зогсоох хэрэгтэй” гэсэн тайлбарыг дахин өгсөн байна. Хэрэв тавдугаар сард сонгууль явуулахаар бол Украины парламент дайны үеийн нөхцөлд сонгууль явуулах боломж олгох үүднээс одоогийн хуулийг өөрчлөх шаардлагатай юм.
ЭХ СУРВАЛЖ: FINANCIAL TIMES
СЭТГЭГДЭЛ БИЧИХ