Яаралтай үед эмийн сангууд хайж, цаг орой болтол авах эмээ хайсаар өвчнөө улам хүндрүүлэх, хувь хүнээс баталгаагүй эм худалдан авч эрүүл мэндээрээ хохирох тохиолодол сүүлийн жилүүдэд газар авсан. Түгжрэл дунд, 24 цагийн эмийн сан хайж санаа зоволгүйгээр байгаа газраасаа түргэн шуурхай эмээ олох боломжийг нэвтрүүлжээ.
Хэрэв та эм хайж байгаа бол dhealth.gov.mn системээр нэвтэрч тухайн эмийнхээ нэрийг бичээд хайхад ямар үнээр аль эмийн санд зарж байгаа талаар мэдээлэл шууд харагдах юм байна. Мөн энэхүү систем нь таны одоо байгаа байршлаас 5км-ийн радиус доторх бүх эмийн сангийн байрлалуудыг харуулахаас гадна хайж буй эмийн зарж буй байршлыг бас хэрхэн очих тухай заавар map дээр харагдах боломжтой. Тус систем рүү шууд вэбээр dhealth.gov.mn нэвтрэхээс гадна E-Mongolia-р дамжуулан ашиглаж болох аж. Түүнчлэн уг систем нэвтрэхээс өмнө ижилт төстэй аспирин гэхэд 5,000-10,000 төгрөгийн үнийн зөрүүтэй байсан бол систем нэвтэрч эхэлснээс хойш ойролцоо үнийн дүнтэй буюу бодит үнэтэй болсон байна.
СЭТГЭГДЭЛ БИЧИХ