Монголын гимнастикийн холбооны ерөнхий нарийн бичгийн дарга, ОУХМ Г.Ерөөлбат Монгол Улсын гавьяат дасгалжуулагч болох бололтой. Тэрбээр тамирчин байхдаа аэробик гимнастикийн дэлхийн цомын аварга шалгаруулах тэмцээнээс алт, хүрэл медаль хүртсэн, монголын гимнастикийн спортын шинэ түүхийг бичсэн нэгэн билээ.
Харин тэрбээр тамирчны замналаа өндөрлөөд Монголын гимнастикийн холбооны ерөнхий нарийн бичгийн даргаар одоо хүртэл ажиллаж байгаа. Монгол Улсад спортын болон уран сайхны гимнастик, аэробик гимнастикийн төрлийг шинэ менежментээр удирдаж, гимнастикийн хөгжлийг өөр шатанд гаргах үйлсэд өөрийн үнэтэй хувь нэмрийг оруулж яваа. Түүний гэр бүлийн хүн чөлөөт бөхийн ДАШТ-ий хүрэл медальт, МУГТ Ц.Энхжаргал билээ.
СЭТГЭГДЭЛ БИЧИХ