Монгол Улс 2030 оны Азийн танхимын болон тулааны спортын наадмыг зохион байгуулах шалгаруулалтын эцсийн шатанд шалгарсан хоёр улсын нэг болов. Монгол Улс Азийн Танхимын болон Тулааны спортын наадамд амжилттай оролцож ирсэн түүхтэй.
Манай улсаас хамгийн сүүлд 2017 онд Туркменистан улсын Ашгабат хотод болсон наадмаас тамирчид маань 5 алт, нийт 30 медаль хүртэж, түүхэн амжилт үзүүлсэн удаатай.
Дараагийн наадам буюу 6 дахь удаагийн Азийн Танхимын болон Тулааны спортын наадам 2026 оны 12-р сард Саудын Арабын Эр-Риаяд хотноо зохион байгуулагдана. Уг наадамд оролцох Монголын багийн ахлагчаар Монгол Улсын Ерөнхийлөгчийн Тамгын газрын дарга А.Үйлстөгөлдөр ажиллахаар болсон байна.
СЭТГЭГДЭЛ БИЧИХ