Өмнөговь аймгийн Засаг дарга Н.Энхбат болон холбогдох хэд хэдэн албан тушаалтнуудыг АТГ-аас шалгаж эхлээд буй. Ингэхдээ өнгөрөгч долоо хоногт Н.Энхбатын гэр болон албан өрөөнд нэгжлэг явуулсан бөгөөд шүүхээс түүнд хилийн хориг тавиад байгаа билээ.
Тэгвэл Н.Энхбатын шалгагдаж буй хэргийн талаар ХЗДХ-ийн сайд Б.Энхбаяр "Өмнөговь аймгийн Засаг дарга Н.Энхбат болон нүүрсний сонсголоор БНХАУ-ын компаниудад газар олгосон гэж дуудагдаж байсан н.Нэхийт нар төрийн өмчийн 19.2 км авто замыг “Смарт Эко Транс” компанид давуу байдлаар олгосон. Н.Энхбатыг энэ асуудлаар АТГ-аас шалгаж байгаа" гэлээ.
Зарим хэвлэл мэдээллийн байгууллагууд Өмнөговь аймгийн Засаг дарга Н.Энхбатыг цагаан сарын өмнө хоригдох магадлалтай талаар мэдээлж байсан ч тэрбээр ийнхүү БНСУ-ыг зорьсон байж болзошгүй байна. Тэгвэл Өмнөговь аймгийн Засаг дарга Н.Энхбат өчигдөр /2026.02.10/ БНСУ-руу явсан гэх мэдээлэл байна. Тэрбээр тус улстай аялал жуулчлалын чиглэлээр хамтын ажиллагаагаа өргөжүүлэхээр төлөвлөгдсөн хуваарийн дагуу явсан гэх мэдээлэл байна.
СЭТГЭГДЭЛ БИЧИХ