Олон улсын жүдо бөхийн холбооноос зохион байгуулдаг “Их дуулга” ангиллын цуврал тэмцээн Гүржийн Тбилиси хотод болно. 2026 оны гурав дахь “Их дуулга”-д 55 орны 440 гаруй жүдоч барилдахаар мэдүүлэг өгчээ. Тэгвэл манай улсаас эрэгтэй гурав, эмэгтэй дөрвөн жинд есөн жүдоч барилдахаар бүртгүүлсэн байна.
Тодруулбал, эрэгтэйчүүдийн 60 кг-ын жинд олон улсын хэмжээний мастер Б.Сүхбат, Н.Мэндсайхан, 66 кг-д дэлхийн аварга шалгаруулах тэмцээний хүрэл медальт К.Ёолк, олон улсын хэмжээний мастер Ө.Жанцандорж, 73 кг-д олимпын хүрэл медальт, дэлхийн аварга, Монгол Улсын Гавьяат тамирчин Ц.Цогтбаатар, эмэгтэйчүүдийн 48 кг-д залуу мастер А.Мишээл, 57 кг-д олон улсын хэмжээний мастер М.Цэндбазар, 63 кг-д дэлхийн аварга шалгаруулах тэмцээний хошой хүрэл медальт, Монгол Улсын Гавьяат тамирчин Л.Энхрийлэн, -78 кг-д спортын мастер Ж.Урангоо нар зодоглох юм.
К.Ёолкийн хувьд 66 кг-ын жинд анх удаа “Их дуулга”-д барилдана. Тэгвэл гавьяат тамирчин Ц.Цогтбаатар гэмтлийн улмаас хоёр жилийн хугацаанд олон улсын тэмцээнд оролцоогүй байсан. Хамгийн сүүлд 2024 оны тавдугаар сард Казахстанд болдог Барсигийн “Их дуулга”-д зодоглосон юм. Түүний бэртэл бүрэн эдгэрч өнгөрсөн сард УАШТ-д түрүүлсэн бол “Их дуулга”-ын татамид эргэн ирж байна
СЭТГЭГДЭЛ БИЧИХ