Их Британийн Төв банк болох Английн банк дараагийн цуврал мөнгөн дэвсгэртүүд дээр түүхэн хүмүүсийн хөргийг хасаж, оронд нь Британийн зэрлэг ан амьтад, шувуудын дүрсийг байрлуулах төлөвлөгөөтэй байгаагаа мэдэгдлээ. Мөн ямар амьтад, шувуудыг дүрслэхийг олон нийтийн саналаар сонгох боломж олгох юм.
Банкны мэдээлснээр зэрлэг амьтдын дүрсийг ашиглах нь хуурамчаар үйлдэхэд илүү төвөгтэй байх давуу талтайгаас гадна улс орны байгаль, экологийг таниулах боломжийг олгоно гэж үзжээ. Ийнхүү £5, £10, £20, £50-ийн дэвсгэртүүд дээр 50 гаруй жилийн турш гарч ирсэн түүхэн хүмүүсийн хөргийг халж байгаа нь энэ юм.
Шинэ загварт багтах амьтан, шувуудын богино жагсаалтыг мэргэжлийн экспертүүдийн баг гаргах бөгөөд дараа нь олон нийтээс санал авах аж. Эцсийн шийдвэрийг Английн банкны ерөнхийлөгч гаргах ч шинэ мөнгөн дэвсгэртүүд гүйлгээнд орох хүртэл хэдэн жил шаардагдаж магадгүй байна.
Английн банкны ерөнхий нярав Виктория Клилэнд “Шинэ мөнгөн дэвсгэрт гаргах гол шалтгаан нь хуурамчаас хамгаалах чадварыг нэмэгдүүлэх байдаг. Гэхдээ энэ нь мөн Их Британийн өөр өөр онцлогийг харуулах боломжийг давхар олгодог” гэж тайлбарлажээ. Түүний гарын үсэг одоогийн дэвсгэртүүд дээр байдаг юм.
Мөнгөн дэвсгэртийн зураглалын сэдвийн талаар хийсэн 44 мянган хүний оролцоотой олон нийтийн санал асуулгаар байгаль, амьтны аймаг хамгийн өндөр санал авсан байна. Судалгаанд оролцогчдын
Одоогоор гүйлгээнд байгаа дэвсгэртүүд дээр £5 – Уинстон Черчилль, £10 – Жейн Ости, £20 – Ж.М.У. Тернер, £50 – Алан Тюринг нарын хөрөг тус тус бий.
2013 онд эмэгтэй түүхэн хүн дэвсгэрт дээр байхгүй (хаан ширээний эзэн Хатан хаан II Элизабет-ээс бусад) гэсэн шүүмжлэл гарч байсан. Мөн өмнө нь Английн банкны дэвсгэрт дээр хар арьст эсвэл үндэстний цөөнхийн төлөөлөл бүхий түүхэн хүн огт гарч байгаагүй юм.
СЭТГЭГДЭЛ БИЧИХ