2026 оны нэгдүгээр сард хэрэглээний бараа, үйлчилгээний үнэ улсын хэмжээнд өмнөх оны мөн үеийнхээс 7.5 хувиар, өмнөх сараас 1.1 хувиар өссөн талаар Үндэсний статистикийн хороо мэдээллээ. Хэдийгээр үнийн өсөлт үргэлжилж байгаа ч инфляцын түвшин өнгөрсөн оны мөн үеийн 8.7 хувиас 7.5 хувь болж, өсөлтийн хурд 1.2 нэгж хувиар саарсан байна.
Улсын хэмжээнд:
Барааны бүлгийн үнэ 7 хувь
Үйлчилгээний бүлгийн үнэ 8.9 хувь
Хүнсний бүлгийн үнэ 12.4 хувь
Хүнсний бус барааны үнэ 5.6 хувь тус тус өссөн үзүүлэлттэй гарчээ.
Бүс нутгаар авч үзвэл үнийн өсөлт харилцан адилгүй байна. Тухайлбал:
Төвийн бүсэд барааны бүлгийн үнэ 9.4 хувь,
Улаанбаатар хотод үйлчилгээний бүлгийн үнэ 10 хувь,
Төвийн бүсэд хүнсний бүлгийн үнэ 13.8 хувь,
Баруун бүсэд хүнсний бус барааны үнэ 6.3 хувиар өссөн нь хамгийн өндөр үзүүлэлтэд тооцогджээ.
Улсын жилийн инфляцын бүрэлдэхүүн, сараар:
Инфляцын 7.5 хувийн өсөлтийн 44.9 хувь буюу 3.4 нэгж хувь нь хүнсний бараа, ундаа, усны бүлгийн үнийн өсөлтөөс, мөн 11.5 хувь буюу 0.9 нэгж хувь нь хувцас, бөс бараа, гутлын бүлгийн үнийн өсөлтөөс тус тус шалтгаалсан байна. Мөн бензин, түлшнээс бусад импортын барааны үнэ 21.6 хувь, мах, хатуу түлшнээс бусад дотоодын барааны үнэ 51.3 хувийн өсөлт инфляцид жинтэй нөлөөлжээ.
Инфляцын түвшин өмнөх оны мөн үеэс 1.2 нэгж хувиар буурсан нь үнийн өсөлтийн хурд саарч буй дохио боловч бодит амьдрал дээр өрхийн хэрэглээний зардал өссөн хэвээр байна. Ялангуяа хүнсний барааны үнийн өсөлт инфляцын гол хөдөлгөгч хүчин зүйл болж, нийт өсөлтийн бараг тал хувийг дангаар бүрдүүлжээ. Цаашид үнийн тогтвортой байдлыг хангах, дотоодын үйлдвэрлэл, нийлүүлэлтийг нэмэгдүүлэх бодлого чухал хэвээр байх бөгөөд инфляцын дарамтыг бууруулахад төр, хувийн хэвшлийн хамтын ажиллагаа шийдвэрлэх ач холбогдолтой байна.
Хэрэглээний бараа үйлчилгээний үнийн индексийн өөрчлөлт, өмнөх оны мөн үетэй харьцуулахад:
Эх сурвалж: ҮСХ
СЭТГЭГДЭЛ БИЧИХ