“Хөгжлийн банк”-ны гэх тодотголтой эрүүгийн хэрэг дөрөв дэх жилдээ шалгагдаж, шат шатны шүүхээр хэлэлцэгдсээр байна. Энэ хугацаанд уг хэрэг анхан шатны шүүхээр хоёр удаа, давж заалдах шатны шүүхээр нэг удаа, Улсын дээд шүүхэд нэг удаа тус тус хэлэлцэгдсэн юм.
Хамгийн сүүлд Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны шүүхэд 2025 оны есдүгээр сарын 8-наас 17-ны өдрүүдэд 10 хоногийн турш хуралдаж, гурван аж ахуйн нэгж, 19 хүнийг буруутай гэж үзэн ял оногдуулж, 23 хүнийг цагаатгах шийдвэр гаргасан.
Гэвч уг шийдвэрийг прокурор Ц.Гансүлд, Б.Ганбулган, Б.Мөнгөншагай, Х.Онолт нар эсэргүүцэн давж заалдах гомдол гаргаснаар хэрэг дахин хэлэлцэгдэх нөхцөл бүрдсэн юм.
Одоогоор Нийслэлийн Эрүүгийн хэргийн давж заалдах шатны шүүхэд уг хэргийн шүүх хурал үргэлжилж байгаа бөгөөд гурав дахь өдрөө орж байна. Өчигдрийн хуралдаанаар хэргийн зарим оролцогч тайлбар өгч, шүүгчдийн асуултад хариулжээ.
СЭТГЭГДЭЛ БИЧИХ