Улсын Их хурлын гишүүн Х.Баасанжаргалын ажлын алба, Монгол Улсын Хүний эрхийн Үндэсний комиссоос оюуны болон сэтгэцийн ялгааг, мөн тэд эрх зүйн чадамжтай байх эрхтэй бөгөөд түүгээрээ дамжуулан суурь эрхээ эдлэх ёстойг үүрэг хүлээгч талууд, хуулийн салбарынхан, олон нийтэд ойлгуулж, тэдний эрх зүйн чадамжийг нэмэгдүүлэх бодлогын нөлөөллийн ажлыг эхлүүлээд байгаа ажээ.
Энэ хүрээнд УИХ-ын гишүүн Х.Баасанжаргал, түүний зөвлөх, эксперт Б.Болороо, судлаач С.Амармэнд нар өнөөдөр буюу 2026 оны 03 дугаар сарын 02-ны өдөр Монголын Хуульчдын холбооны Ерөнхийлөгч М.Мөнхбат, Тамгын газрын дарга Ш.Жолбарс нартай уулзлаа.
Уулзалтаар оюун, сэтгэцийн хөгжлийн бэрхшээлтэй хүний эрхийн өнөөгийн нөхцөл байдал, тулгамдсан асуудал, хууль тогтоомжийн хэрэгжилтийн талаар санал солилцсон бөгөөд цаашид энэ төрлийн хүмүүсийн эрхийг хамгаалах, системтэй мэдээлэл өгөх, олон нийтийн мэдлэг, хандлагыг нэмэгдүүлэх чиглэлээр хуульчдыг мэргэшүүлэх, Монголын Хуульчдын холбооны дэргэд дэд хороо байгуулах санаачилга гаргах, хууль эрх зүйн орчныг сайжруулах чиглэлээр хамтран ажиллахаар боллоо.
Мөн хуульчдад зориулсан хэлэлцүүлгийг 2026 оны 03 дугаар сарын 17-ны өдөр зохион байгуулахаар тохиролцлоо.
СЭТГЭГДЭЛ БИЧИХ