Сүүлийн нэг жилийн хугацаанд дэлхий даяар эзэмшигчид нь орхисон нефть тээвэрлэгч болон худалдааны хөлгүүдийн тоо огцом өсөөд байна. Үүний хамгийн том хохирогч нь далайчид болжээ.
Оросын нефть ачсан нэгэн танкер Хятадын усан хилээс гадна олон сар саатсан байна. Тус хөлөг дээр ажиллаж буй ахлах офицер Иван “мах, гурил, загас гээд амьдралд хэрэгтэй энгийн хүнс хүртэл дутагдсан. Бид өдөр хоногоороо л тэсэж байлаа” гэж ярьжээ. Уг хөлөгт 750 мянган баррель Оросын түүхий нефть ачиж явсан ч багийнханд хэдэн сар цалин өгөөгүй тул Олон улсын тээврийн ажилчдын холбоо (ITF) хөлгийг “орхигдсон” гэж бүртгэсэн байна. ITF оролцсоноор далайчдын цалингийн тодорхой хэсгийг барагдуулж, хүнс ус хүргэж өгсөн ч ихэнх багийнхан одоо хүртэл хөлөг дээр гацсан хэвээр байна.
2016 онд дэлхий даяар 20 хөлөг орхигдож байсан бол
2025 онд энэ тоо 410 болж өссөн үүний улмаас 6,223 далайчин хохирчээ
Олон улсын далайн байгууллагын тодорхойлолтоор цалингаа 2 сараас дээш хугацаанд аваагүй, нутаг буцах зардлыг нь төлөөгүй мөн хоол хүнс, эмчилгээний дэмжлэггүй орхисон бол далайчинг орхигдсон гэж үздэг.
2025 онд орхигдсон далайчдад нийт 25.8 сая ам.долларын цалин олгоогүй байсны ихэнхийг ITF нөхөн олгуулжээ. Сүүдрийн флотын тэлэлт далайчдыг асар их эрсдэлд оруулж байна. Эзэмшигч нь тодорхойгүй, хариуцлагагүй хөлгүүдээс болж олон мянган хүн цалингүй, хүнсгүй, нутаг буцах боломжгүй болжээ. Энэ асуудлыг шийдэхийн тулд улс орнуудын хамтын ажиллагаа, далайн хууль, хяналтыг чангатгах шаардлагатай гэж мэргэжилтнүүд анхааруулж байна.
СЭТГЭГДЭЛ БИЧИХ