“Samsung Electronics” компани лхагва гарагт /2026.02.25/ Galaxy S26 загварын ухаалаг утаснуудаа танилцуулсан байна. S26 загварын утаснуудын хиймэл оюун ухааны (AI) чадавхыг сайжруулснаас гадна Ultra хувилбар нь хувийн орон зайг хангах дэлгэцтэй юм.
Шинэ загваруудыг танилцуулах арга хэмжээ АНУ-ын Сан Франциско хотноо явагдсан байна. “Samsung Electronics” компанийн гүйцэтгэх захирал Ро Тэ Мүн “Хүчтэй техник хангамжийн ачаар Galaxy S26 цуврал нь хиймэл оюун ухааныг ашиглахад хялбар, ойлгомжтой болгоно” гэжээ. Тус компани мэдэгдсэнээр Galaxy S26 нь 16 см-ын дэлгэцтэй бол S26+ нь 17 см, S26 Ultra 17.5 см урттай дэлгэцтэй байна.
S26 Ultra нь хажуу талаас харагдахгүй болгох боломжтой дэлгэцтэй гэдгээрээ бусад загваруудаасаа онцлог. Мөн Ultra загвар нь Snapdragon 8 Elite Gen 5 чиптэй учир NPU, CPU, GPU тооцоолох чадварууд тус тус 39 хувь, 19 хувь, 24 хувиар сайжирсан гэж “Samsung Electronics” мэдээлжээ. Бусад загвар нь Exynos 2,600 загварын процессортой.
СЭТГЭГДЭЛ БИЧИХ