БНХАУ-ын төрийн тэргүүн Ши Жиньпиний эрх мэдлийн үед Хятадын People's Liberation Army (АЧА)-д өрнөж буй авлигын эсрэг томоохон “цэвэрлэгээ” урьд өмнө байгаагүй хэмжээнд хүрээд байна. Гадаадын нэр хүндтэй хэвлэлүүдийн мэдээлснээр сүүлийн хоёр жилийн хугацаанд 100 гаруй генерал, ахлах офицер шалгалтад орж, албан тушаалаасаа чөлөөлөгдөх, мөрдөн шалгах ажиллагаанд хамрагдах, зарим нь олон нийтэд ил тод бус байдлаар “алга болох” тохиолдлууд олширчээ.
Цэвэрлэгээ яагаад эхэлсэн бэ?
Ши Жиньпин 2012 онд засгийн эрхэнд гарснаасаа хойш авлигын эсрэг кампанит ажлыг улс төр, төрийн удирдлага төдийгүй цэргийн салбарт тууштай явуулж ирсэн. Түүний гол зорилго нь:
- Арми доторх авлига, эрх мэдлийн сүлжээг таслах
- Намын хяналтыг АЧА-д бүрэн тогтоох
- Орчин үеийн, дайнд бэлэн армийг бий болгох
Сүүлийн үеийн “их цэвэрлэгээ” нь ялангуяа батлан хамгаалах салбарын худалдан авалт, зэвсгийн нийлүүлэлтийн салбарт төвлөрч байгаа нь анхаарал татаж байна. Гадаадын шинжээчид үүнийг Хятадын стратегийн зэвсэг, пуужингийн хүчний найдвартай байдалд Ши Жиньпин онцгой ач холбогдол өгч буйтай холбон тайлбарлаж байна.
Ши Жиньпин 2012 онд засгийн эрхэнд гарснаасаа хойш авлигын эсрэг кампанит ажлыг улс төр, төрийн удирдлага төдийгүй цэргийн салбарт тууштай явуулж ирсэн. Түүний гол зорилго нь:
- Арми доторх авлига, эрх мэдлийн сүлжээг таслах
- Намын хяналтыг АЧА-д бүрэн тогтоох
- Орчин үеийн, дайнд бэлэн армийг бий болгох
Сүүлийн үеийн “их цэвэрлэгээ” нь ялангуяа батлан хамгаалах салбарын худалдан авалт, зэвсгийн нийлүүлэлтийн салбарт төвлөрч байгаа нь анхаарал татаж байна. Гадаадын шинжээчид үүнийг Хятадын стратегийн зэвсэг, пуужингийн хүчний найдвартай байдалд Ши Жиньпин онцгой ач холбогдол өгч буйтай холбон тайлбарлаж байна.
Гадаадын хэвлэлүүдийн онцолж буйгаар олон арван генерал, хурандаа нарын хувь заяа тодорхойгүй хэвээр байгаа бөгөөд заримынх нь нэр албан ёсоор зарлагдаагүй байна. Энэ нь Хятадын цэргийн системд эл үзэгдэл хэвийнд тооцогддог: мөрдөн шалгах явцад тухайн хүнийг олон нийтээс тусгаарлаж, намын дотоод журмаар шалгадаг.
Аюулгүй байдлын судлаачдын үзэж байгаагаар 100 гаруй офицер өртсөн нь эцсийн тоо биш. “Энэ бол дөнгөж эхлэл” хэмээн дүгнэж буй шинжээчид Ши Жиньпин 2027 он гэхэд армийг бүрэн шинэ шатанд гаргах зорилттой уялдуулан илүү гүн цэвэрлэгээ хийх магадлал өндөр гэж үзэж байна. 2027 он бол АЧА байгуулагдсаны 100 жилийн ой бөгөөд Бээжин энэ үед цэргийн чадавхаа чанарын шинэ түвшинд хүргэх зорилт дэвшүүлсэн.
СЭТГЭГДЭЛ БИЧИХ