2026 оны 2-р сарын 24-нд Нэгдсэн Үндэстний Байгууллагын Ерөнхий Ассамблейн 11-р Яаралтай Онцгой Хуралдаанд Украиныг дэмжих шинэ тогтоолыг хэлэлцэж, санал хураалт явуулав. Тогтоол нь энх тайван, Украиний бие даасан байдал, бүрэн бүтэн байдал, нутаг дэвсгэрийн бүрэн эрхт байдлыг хүндэтгэхийг уриалсан ч хуулийн дагах хүчгүй баримт бичиг юм. НҮБ-ын бүрэлдэхүүн 193 улсын хувьд 107:12:51 гэх саналын харьцаа нь Украины асуудал дээрхи олон улсын байр суурь нь ерөнхийдөө дэмжлэгтэй боловч тодорхой зөрчилтэй хэвээр байгааг харуулж байна.
Түггэлзсэн санал өгсөн орнуудын дунд АНУ,БНХАУ, Энэтхэг, Бразил, Казахстан, Узбекистан, Серби зэрэг олон улс байсан ба Монгол Улс мөн энэ бүлэгт багтсан гэдгийг олон эх сурвалж мэдээлжээ. Америкийн хувьд тогтоолын зарим өгүүлбэр ялангуяа Украины бүрэн эрх, нутаг дэвсгэрийн бүрэн бүтэн байдлыг дахин бататгах хэсгийг хасуулах санал гаргасан бөгөөд уг саналыг олон улс дэмжээгүй тул АНУ түдгэлзсэн санал өгсөн гэжээ.
Тогтоол нь:
Украины энх тайван, бүх талын шударга эвлэрлийг уриалсан
Цэргийн мөргөлдөөнийг нэн даруй, нөхцөлгүй зогсоохыг шаардсан
Украинд бүрэн эрхт, тусгаар тогтносон улсын байдал болон нутаг дэвсгэрийн бүрэн бүтэн байдлыг хүндэтгэхийг дахин нотолсон
НҮБ-ын Ерөнхий Ассамблейн хуулийн дагах шаардлагагүй шийдвэр юм.
Энэхүү санал хураалт нь Украины эсрэг Оросын довтлолт эхэлснээс хойш дөрвөн жилийн дараа дэлхийн улс орнууд хэрхэн байр сууриа тодорхойлж байгааг харуулж байна. Олон орон дэмжиж байгаа ч 51 улс шүүмжилж эсвэл болгоомжтой байр суурьтай байгаа нь мөргөлдөөнийг шийдвэрлэхэд олон талын дипломат нээлттэй харилцаа шаардлагатайг илтгэнэ.
СЭТГЭГДЭЛ БИЧИХ