БНХАУ-ын Өвөрмонголын өөртөө засах орны Шилийн гол аймагт жил бүрийн хаврын тэргүүн сард зохион байгуулдаг уламжлалт “Алтан бүс”-ний төлөөх барилдаанд Монголоос 16 бөх барилдана.
Тодруулбал, улсын заан Б.Бат-Өлзий, Д.Анар, Б.Серик, С.Сүхбат, харцага Т.Баасанхүү, начин Ч.Батчулуун, Ж.Ням-Эрдэнэ, Т.Дүгэрдорж, Т.Түвшинтөгс, Д.Тогтохжаргал, аймгийн хурц арслан Д.Алтанцоож, Б.Өсөхбаяр, аймгийн арслан Ө.Батсуурь, Ц.Төмөрцоож, аймгийн заан Н.Ширчинхүү, аймгийн начин Б.Гончигсүрэн нар зодоглохоор бүртгүүлжээ.
Уг барилдааныг 2008 оноос “Хасар” нэртэйгээ анх зохион байгуулсан бол 2019 оноос “Алтан бүс” нэртэй болсноос хойш долоо дахь жилдээ болох гэж байна. Тус барилдаанд дархан аварга Н.Батсуурь, улсын аварга П.Бүрэнтөгс, Ч.Санжаадамба, О.Хангай, арслан Р.Пүрэвдагва нар түрүүлсэн юм.
“Алтан бүс” нэртэй болсноос хойш зургаан удаагийн барилдааны дөрөвт нь монголчууд түрүүлжээ. Харин Өвөрмонголын бөхчүүдээс Цагаанзаан, Өлзийбаатар нар түрүүлсэн байна.
СЭТГЭГДЭЛ БИЧИХ