Ховд аймгийн Эрдэнэбүрэн суманд баригдаж буй Эрдэнэбүрэнгийн усан цахилгаан станц (УЦС)-ын бүтээн байгуулалтын ажил одоогоор 20 хувийн гүйцэтгэлтэй байгаа бөгөөд ирэх сараас бүтээн байгуулалтын ажил улам эрчимжих тухай Засгийн газрын Хэрэг эрхлэх газрын дарга С.Бямбацогт өөрийн сошиал хуудсандаа бичжээ.
Засгийн газар гадаадаас ажиллах хүчийг татан оролцуулах асуудлыг шийдвэрлэж, бүтээн байгуулалтын ажилд шаардлагатай хүний нөөцийг бүрдүүлсэн байна. Мөн туслан гүйцэтгэл, ханган нийлүүлэлтийн ажлыг аль болох дотоодын ААН-үүд болон Ховд аймгийн иргэдийг оролцуулан хэрэгжүүлэх бодлогыг барьж байгаа нь томоохон онцлог болж байна.
Эрдэнэбүрэнгийн УЦС баригдсанаар баруун бүсэд зөвхөн эрчим хүчний нөөц нэмэгдэх төдийгүй, цэвэр усны томоохон эх үүсвэр бий болох юм. Үүний үр дүнд баруун бүсийн аж үйлдвэр, аялал жуулчлал, усалгаатай газар тариалан эрчимтэй хөгжих боломж нээгдэж, бүс нутгийн эдийн засгийн өсөлтөд шууд хувь нэмэр оруулах боложтой.
Эрдэнэбүрэнгийн УЦС баригдсанаар баруун бүсийн хөгжлийг дэмжих томоохон дэд бүтэц болох юм.
СЭТГЭГДЭЛ БИЧИХ