Өмнөговь аймагт ахмадын сувилал болон иргэдэд хөдөлмөр эрхлэлт, нийгмийн халамжийн үйлчилгээг нэг цэгээс хүргэх цогц барилга 2026 оны 05 дугаар сарын 25-ны өдөр нээлтээ хийлээ.
Нээлтийн арга хэмжээний үеэр Хөдөлмөр, халамжийн үйлчилгээний ерөнхий газрын дарга З.Бауыржан: “Ахмад настнуудынхаа эрүүл, идэвхтэй, аз жаргалтай амьдрах орчныг бүрдүүлэх нь төр, орон нутгийн хамтын хариуцлага юм.
Энэхүү сувилал ашиглалтад орсноор ахмадууд нутаг орондоо тав тухтай орчинд амарч, сэргээн засах үйлчилгээ авах боломж бүрдэж байна. Энэ бол зөвхөн барилга байгууламж бус ахмад настнаа дэмжсэн бодит хөрөнгө оруулалт” хэмээн онцоллоо.
Тус ахмадын сувилал нь 2026 оны 10 дугаар сарын 01-нээс үйл ажиллагаагаа эхлүүлж, жилдээ 1000 гаруй ахмад настанд сувилгаа, сэргээн засах болон хөгжлийн үйлчилгээ үзүүлэх боломжтой юм гэж Хөдөлмөр, халамжийн үйлчилгээний ерөнхий газраас мэдээллээ.
СЭТГЭГДЭЛ БИЧИХ