Дэлхийн чансааны оноо олгох “Улаанбаатар опен” тэмцээн Монгол Улсын нийслэл Улаанбаатар хотын “Буянт-Ухаа” спортын ордонд зургаадугаар сарын 4-7-нд болно.
Монголын чөлөөт бөхийн холбоо өнгөрсөн жилээс Дэлхийн нэгдсэн бөхийн холбооны албан ёсны хуваарьт багтдаг, дэлхийн чансааны оноо олгох дөрвөн том цуврал тэмцээний нэгийг эх орондоо хүлээн авч эхэлсэн билээ.
Энэ удаагийн тэмцээнд 30 орчим орны 400 гаруй тамирчин оролцохоор мэдүүлгээ өгчээ. Тэдний дунд 57 кг-ын жингийн дэлхийн чансааг тэргүүлэгч БНАСАУ-ын тамирчин Хан Чонг Сон, 2025 оны Оросын аварга, 2026 оны ЕАШТ-ийн мөнгөн медальт ОХУ-ын тамирчин Муса Мехтиханов нар багтжээ. Дэлхийн чансааны оноо олгох цувралын гурав дахь тэмцээнийг манай улс хоёр дахь жилдээ зохион байгуулах гэж байгаа бөгөөд олимп, дэлхийн аваргууд болон медальтнууд олноороо хүрэлцэн Монголд хөл тавих нь ээ.
СЭТГЭГДЭЛ БИЧИХ