"OpenAI" компанийн эсрэг гаргасан Илон Маскийн гомдлыг АНУ-ын тангарагтны шүүх даваа гарагт хэрэгсэхгүй болгож, хиймэл оюун хөгжүүлэгч тус компани нь дэлхийн хамгийн баян хүний өмнө хариуцлага хүлээх үндэслэлгүй гэж үзжээ. И.Маск тус компанийг "хүн төрөлхтний сайн сайхны төлөө ажиллах анхны зорилгоосоо хазайсан" хэмээн буруутгасан юм.
Шүүхийн энэхүү шийдвэр нь "OpenAI" компанид хувьцаагаа олон нийтэд анх удаа санал болгох (IPO) үйл явцаа урагшлуулах замыг хялбарчилж, зах зээлийн үнэлгээ нь 1 их наяд ам.долларт хүрэх замыг улам ойртууллаа.
И.Маск шүүхийн шийдвэрийг давж заалдахаа мэдэгдээд, "OpenAI"-ийн гүйцэтгэх захирал Сэм Альтман, ерөнхийлөгч Грег Брокман нар тус компанийг асар их баяжих хэрэгсэл болгон ашигласан гэж дахин мэдэгджээ.
"OpenAI" компанийг 2015 онд С.Альтман, И.Маск болон өөр хэд хэдэн хүн хамтран үүсгэн байгуулсан юм.
СЭТГЭГДЭЛ БИЧИХ