Монголын шувуу хамгаалах төв болон “Улаанбаатар Төмөр Зам ХНН”-ийн "Эрчим хүч, ус хангамжийн төв" хооронд 2025 онд “Махчин шувуудын цахилгааны хүчдэлд цохиулах эрсдэлийг бууруулах, үхэл хорогдлыг арилгах чиглэлээр хамтран ажиллах санамж бичигт гарын үсэг зурсан аж.
Уг санамж бичгийн хүрээнд төмөр зам дагуух Говьсүмбэр аймгийн Чойрын 10 кВ-ын өндөр хүчдэлийн шугамын нийт 1,100 гаруй шонг бүрж дуусгасан байна. Өндөр хүчдлийн шонд 30 орчим төрлийн махчин шувууд энддэг байна. Тусгаарлагч бүрээсийг худалдан авах санхүүжилтийг АНЭУ-ын “Mohamed Bin Zayed-Махчин шувуу хамгаалах сан”-гаас шийдвэрлэсэн байна.
Дээрх 1100 тулгуурын шон бүхий өндөр хүчдэлийн шугамд өнгөрсөн оны наймдугаар сарын судалгаагаар нийтдээ 17 зүйлийн 208 бодгаль махчин шувууд эндсэн байхыг бүртгэсэн ба эдгээрээс 46 нь идлэг шонхор байжээ. Шугамыг ингэж бүрснээр махчин шувуудын үхэл хорогдлыг 95%-иар бууруулах юм. Дашрамд дурдахад энэ бүрээсээр өмнө нь Монгол орны хэмжээнд нийт 27000 орчим шонг бүрж шувуудын үхэл хорогдлыг 95% иар бууруулсан үр дүн гарсан байна.
СЭТГЭГДЭЛ БИЧИХ