УИХ-ын Гишүүн нь бүрэн эрхээ хэрэгжүүлэхдээ бусдын нэр төр, алдар хүнд, хууль ёсны ашиг сонирхлыг хүндэтгэн харилцах үүрэгтэй. Бусдыг гэмт хэрэгт холбогдуулан гүтгэх, доромжлохыг хатуу цээрлэнэ гэж заасан байдаг.
Хоёр.Гишүүний ёс зүйн хэм хэмжээ
2.1.Гишүүн ард түмнийхээ элчийн хувьд бүрэн эрхийнхээ хугацаанд дараах ёс зүйн хэм хэмжээг сахин мөрдөнө:
2.1.1.нийт иргэн, улсын ашиг сонирхлыг эрхэмлэх;
2.1.2.төрт ёс, түүх, соёлынхоо уламжлалыг хүндэтгэх;
2.1.3.Үндсэн хууль, хууль ёсыг дээдлэн сахиж биелүүлэх;
2.1.4.авлига, ашиг сонирхлын зөрчлөөс ангид байх;
2.1.5.биеэ авч явах, шударга байдлаараа үлгэр дуурайл үзүүлэх.
2.2.Гишүүн энэ дүрмийн 2.1-д заасан ёс зүйн хэм хэмжээг сахин мөрдөхөөс гадна дараах ёс зүйн шаардлагыг биелүүлэх үүрэгтэй:
2.2.1.гишүүний бүрэн эрхээ хэрэгжүүлэхдээ баримтлах ёс зүйн шаардлага;
2.2.2.ашиг сонирхлын зөрчилтэй холбоотой ёс зүйн шаардлага;
2.2.3.төсөв зарцуулалт, санхүүтэй холбоотой ёс зүйн шаардлага;
2.2.4.хөрөнгө, орлогын мэдүүлэгтэй холбоотой ёс зүйн шаардлага;
2.2.5.албан томилолттой холбоотой ёс зүйн шаардлага;
2.2.6.шагнал, бэлэг дурсгал хүлээн авахтай холбоотой ёс зүйн шаардлага;
2.2.7.Улсын Их Хурлын сонгуулийн сурталчилгааны үеэр баримтлах ёс зүйн шаардлага.
Гурав.Гишүүн бүрэн эрхээ хэрэгжүүлэхдээ баримтлах ёс зүйн шаардлага
3.1.Гишүүн ард түмний элчийн хувьд нийт иргэн, улсын эрх ашгийг эрхэмлэн, төрт ёс, түүх соёлынхоо уламжлалаа дээдлэн ажиллана.
3.2.Бусдын нэр төр, алдар хүнд, эрх, хууль ёсны ашиг сонирхлыг эрхэмлэн, хүндэтгэлтэй хандах, бусдыг гэмт хэрэгт холбогдуулан гүтгэх, доромжлохыг цээрлэнэ.
3.5.Чуулганы нэгдсэн, Байнгын, дэд, түр хорооны хуралдааны дэг зөрчиж хуралдааны хэвийн үйл ажиллагааг алдагдуулах, хуралдаанд үг хэлэх, байр сууриа илэрхийлэхдээ бүдүүлэг үг хэллэг хэрэглэх, бусдын нэр төр, алдар хүндийг гутаах, доромжлохыг хориглоно.
Гишүүдийн ёс зүйн хэм хэмжээг ийнхүү нарийвчлан тодорхойлсон нь олон нийтийн итгэлийг бэхжүүлэх, парламентын хариуцлагыг дээшлүүлэхэд чиглэсэн алхам юм. Ард түмний төлөөлөгчийн хувьд гишүүн бүр зөвхөн хууль батлах бус, өөрийн ёс зүй, харилцаа хандлагаараа төрийн нүүр царай болж байдаг.
Иймд энэхүү ёс зүйн зохицуулалт нь зөвхөн дотоод журам бус, ардчиллын үнэт зүйл, төрийн институцийн нэр хүндийг хамгаалах чухал баримт бичиг билээ.
СЭТГЭГДЭЛ БИЧИХ