Нийтийн тээврийн бодлогын газраас автобусны карт уншдаг UMoney төхөөрөмжийг шинэчилж "UB Card"-ыг энэ сарын 2-ноос ашигладаг болсон. Ингэснээр иргэд UMoney карт болон UB Card аппликейшнийг ашиглаж нийтийн тээврээр үйлчлүүлэх боломжтой юм.
Өмнө Нь Иргэд Буух Болон Суухдаа Картаа Төхөөрөмжид Уншуулдаг Байсан Бол UB Card Төхөөрөмж Ашигласнаар Зөвхөн Суухдаа Картаа Уншуулж ₮1000 Өдөрт Гурван Удаа Дамжин Суух Буюу Нийтдээ Дөрвөн Удаа Зорчих Боломжтой Байна.
Зарим UMoney карт дамжин сууж болохгүй байгаа тухай иргэд мэдээлсэн. Энэ тухай нийтийн тээврийн газраас тодруулахад "UB Card системд бүртгэгдээгүй зарим Umoney карт байгаа. Тэдгээр нь дамжин суух боломжгүй болсон асуудал гарч байна. Бид тус Umoney картуудыг системд холбох ажлуудыг хийж байгаа учир удахгүй жигдрэх байх. UB Card аппликейшнийг ашиглаж хуучин UMoney картаа цэнэглэх боломжтой. Umoney карт нь дажин суух боломжгүй байгаа иргэд 70151289 дугаарт ажлын 08:00-17:30 цагийн хооронд мэдэгдэж бүртгүүлэх боломжтой" гэлээ.
СЭТГЭГДЭЛ БИЧИХ