Чингэлтэй дүүргийн 12 дугаар хороо, Дэнжийн мянгад гэр хороолол дунд байрлах буйдхан цэцэрлэгт хүрээлэн. Уг газар үүд хаалгаа нээгээд өдгөө арав гаруй жилийг үдээд байгаа ажээ. Хүчит шонхор захын зүүн талаар хойш 500 орчим метр газар яваад Уулын нуур байрладаг. Тус газар зуны үйл ажиллагаагаа эхлүүлж үйлчлүүлэгч нараа хүлээн авч эхэлжээ.
Одоогоос арав гаруй жилийн өмнө хогондоо дарагдсан, өвлийн цагт угаадсаар дүүрсэн хогийн цэг байжээ. Улмаар тус газрыг анх 2012 онд засч, янзалж өнөөдрийг хүртэл үйл ажиллагаа явуулж, олон зуун хүүхэд залуусын зорьж очих газар болгон тохижуулсаар өдгөө арав гаруй жилийг угтаж байгаа аж. Ногоон нуурыг үүсгэн байгуулагч С.Өлзийтогтох гэх хөдөлмөрч залуу өөрийн хөрөнгөөр босгосон юм.
СЭТГЭГДЭЛ БИЧИХ