ОХУ-ын Ерөнхийлөгч Владимир Путин АНУ-ын Ерөнхийлөгч Дональд Трамптай утсаар ярьжээ. ОХУ-ын Ерөнхийлөгчийн олон улсын асуудал эрхэлсэн туслах Юрий Ушаков энэ тухай сэтгүүлчдэд мэдээлсэн байна.
В.Путин Ялалтын баярыг тэмдэглэх үеэр түр эвлэрэл зарлахад бэлэн байгааг АНУ-ын удирдагч Дональд Трампт мэдэгджээ.
Ю.Ушаковын мэдээлснээр, Украины мөргөлдөөнийг зохицуулах хүрээнд "АНУ-ын Ерөнхийлөгч байлдааны ажиллагааг нэн даруй зогсоохын чухлыг онцлоод, үүнд бүх талаар дэмжлэг үзүүлэхэд бэлэн байгаагаа" илэрхийлжээ.
Д.Трамп Украины мөргөлдөөнийг шийдвэрлэх хэлэлцээр хийхэд ойрхон байгааг В.Путинд хэлсэн байна.
Ерөнхийлөгч нар 1.5 цаг гаруй хугацаанд ярилцсан бөгөөд Д.Трамп 2025 оны эхээр Цагаан ордонд эргэн ирснээс хойш хоёр удирдагч 12 дахь удаагаа утсаар ярьсан нь энэ юм. Тэд хамгийн сүүлд гуравдугаар сарын 9-нд утсаар ярьсан байна.
СЭТГЭГДЭЛ БИЧИХ