2026 оны хоёрдугаар сарын 18-ны өдөр Япон Улсын Ерөнхий сайд Такаичи Санэ-гийн хоёр дахь Засгийн газар албан ёсоор тангараг өргөж, бүрэлдэн байгуулагдлаа. Ингэснээр түүний удирдсан шинэ танхим үйл ажиллагаагаа эхлүүлж байна.
Засгийн газрын шинэ бүрэлдэхүүний нэрсийг Ерөнхий сайдын ордонд болсон эрх баригч намуудын удирдлагуудын уулзалтын дараа Засгийн газрын Ерөнхий нарийн бичгийн дарга Кихара Минору танилцуулжээ.
Ёслолын ажиллагааны дараа Ерөнхий сайд Такаичи Ерөнхий сайдын ордонд эргэн ирж, хэвлэлийн бага хурал хийсэн байна. Тэрбээр шинэ танхимын бодлогын чиглэл, ойрын хугацаанд хэрэгжүүлэх зорилтуудын талаар мэдээлэл өгчээ.
Үүний дараа шинэ Засгийн газрын анхны хуралдаан болж, сайд нар хамтын ажиллагаагаа эхлүүлсэн байна. Мөн уламжлал ёсоор Засгийн газрын гишүүд хамтран дурсгалын гэрэл зураг татуулсан юм. Ийнхүү Япон Улсын улс төрийн амьдралд шинэ үе шат эхэлж, хоёр дахь Такаичи-ийн танхим дотоод, гадаад бодлогын сорилтуудтай нүүр тулан ажиллахаар боллоо.
СЭТГЭГДЭЛ БИЧИХ