Өмнөд Солонгост төвтэй холимог тулааны "Black Combat" холбооны "BnD Black Cup: Omega Korea vs Eurasia" тулаанаар Монголын холимог тулаанч М.Нандин-Эрдэнэ Бразилын Флавио Сантоштой тулалдах юм. Тавдугаар сарын 2-ны Бямба гарагт зохион байгуулагдах тэмцээнд нийт 15 тулаан оролцох аж.
Өмнөд Солонгост ажиллаж амьдарч байгаа М.Нандин-Эрдэнэ холимог тулаанаар нийт 29 тулалдахдаа 18 ялсан үзүүлэлттэй байна. Түүний хувьд өнгөрсөн сард 39 нас хүрчээ. Харин түүний өрсөлдөгч Флавио Сантошийн хувьд ирэх долдугаар сард 35 нас хүрэх аж. Өмнөд Солонгост холимог тулааны хэд хэдэн холбоо байдгаас хамгийн том нь "Road FC". Харин "Black Combat" нь 2022 онд байгуулагдсан бөгөөд үндэстэн хоорондын багийн халз тулааны төсөл нь олны анхаарлыг татаж буй. Түүнчлэн бусдаасаа ялгарах гол онцлог нь реалити шоу хэлбэрээр зохион байгуулагддаг юм байна.
СЭТГЭГДЭЛ БИЧИХ