Өнгөрсөн онд 12 мянган хос гэрлэлтээ батлуулж, 4 493 хос гэрлэлтээ цуцлуулжээ

 

Улсын хэмжээнд 2025 оны байдлаар 12.582 хос гэрлэлтээ батлуулсан бол 4.493 хос гэрлэлтээ цуцлуулсан байна. 1000 хүнд ногдох гэр бүл цуцлалтын үзүүлэлтээр Монгол Улс 2024 онд 1.3 байгаа бол Азийн зарим улс тухайлбал, Япон 1.6, Тайланд 1.7, Өмнөд Солонгос 1.8, Казахстан 2.0 байна.

Монгол Улсад анхны гэрлэлтийн дундаж нас хойшилж, 2026 оны байдлаар эмэгтэйчүүд дунджаар 26.7, эрчүүд 29 орчим насандаа гэрлэж байна. Залуучууд боловсрол эзэмших, ажил эрхлэх, эдийн засгийн чадавхаа бүрдүүлэхийг илүүд үзэж байгаатай холбоотойгоор гэрлэлтийн нас хойшилж, 27-28 нас руу шилжиж байгаа хандлагатай байна. 

Гэрлэлтийн насны гол үзүүлэлтүүд:

• Эмэгтэйчүүд: Анхны гэрлэлтийн дундаж нас 26-27 нас.
• Эрчүүд: Анхны гэрлэлтийн дундаж нас 28-29 нас.
• Хандалага: 1979 онд анхны гэрлэлтийн дундаж нас 18.5 байсан бол сүүлийн 30 гаруй жилд 5-6 орчим насаар хойшилсон. 

Хүн ам зүйн судлаачдын үзэж байгаагаар гэрлэлт хойшлох нь төрөлтийн тоо буурах, өрхийн хэмжээ жижгэрэхэд нөлөөлж байна.