Мал тооллогын лавлагааг И-Монголиа цахим системээс авах заавар

 

Малчин болон мал бүхий өрх, иргэд төрийн үйлчилгээ авах гэж сум, дүүргийн төв рүү зорчих, урт дараалалд зогсох шаардлагагүй боллоо. И-Монголиа системээр дамжуулан мал тооллогын лавлагаагаа цахимаар, хэдхэн минутын дотор авах боломж бүрдээд байна.

Энэхүү үйлчилгээ нь хөдөө орон нутагт амьдарч буй малчдын цаг зав, зардлыг хэмнэхээс гадна төрийн мэдээллийн сангийн уялдаа холбоог сайжруулж, лавлагаа тодорхой, баталгаатай гарах давуу талтай юм.

• Үйлчилгээ хайх хэсэгт Мал тооллогын лавлагаа гэж хайлт хийнэ.
• Үйлчилгээ авах товчийг дарна.
• Зориулалт болон авах гэж байгаа лавлагааныхаа оныг бичнэ.
• Ингэснээр лавлагаа амжилттай гарч ирнэ.

Малчид та бүхэн өөрт хэрэгтэй лавлагаагаа цаг алдалгүй, түргэн шуурхай авахын тулд И-Монголиа системийг ашиглаж хэвшихийг зөвлөж байна.