Дуучин Б.Амархүү Увс аймагт тоглолтоо хийхээр очихдоо тус аймгийн театр ажлаа хангалттай сайн хийгээгүй талаар өөрийн цахим хуудсаараа мэдээлэл цацсан юм. Үүний дараа тус аймгийн Засаг даргын орлогч С.Анхбаяр “Пүү хар тамхи хэрэглээд ард түмнээрээ өмгөөлүүлнэ ай. Манайх л ийм тэнэг байх шүү. Бусад улсад шууд карер нь дуусна. Юун хүн загнаж, зандарч явах. Дамжуулагчаас хэрэглэгч орон болсныг мэддэг үү? Ай” хэмээн сошиал хаягтаа бичсэн нь олны дургүйцлийг ихээхэн хүргэсэн билээ. Тэрбээр удаа дараа дуучин Б.Амархүүгийн талаар удаа дараа пост оруулж мэдэгдэл хийхдээ хүний эрхийн зөрчил гаргасан гэж Хүний эрхийн үндэсний комиссоос үзжээ.
Улмаар энэ явдалтай холбоотой шалгах ажиллагааг шуурхай эхлүүлээд байгаа аж. "Тухайн иргэн өмнө нь гэмт хэрэгт холбогдож, хууль ёсны шийдвэрийн дагуу хариуцлагаа хүлээгээд дууссан. Гэтэл өмнө ял шийтгэл эдэлж байсан гэх үндэслэлээр урлаг уран сайхны үйл ажиллагаа явуулахад нь саад учруулах, хориглох нь хүний эрхийн зөрчил юм. Тиймээс Комиссын гишүүний шаардлага хүргүүлнэ" ХЭҮК-ын Гомдол, хяналт шалгалтын хэлтсийн дарга Г.Ууганбаатар мэдээлжээ.
СЭТГЭГДЭЛ БИЧИХ