Нийслэлийн хэмжээнд галын автомашиныг усаар хангах зориулалттай ил болон далд усны цэг буюу гидрантуудын бэлэн байдал, хэвийн ажиллагааг хангах зорилготой нэгдсэн хяналт шалгалт өнөөдрөөс эхэллээ.
Хяналт шалгалтыг 2026.04.27-ноос 2026.05.04-ний өдрийг хүртэл зохион байгуулах бөгөөд Нийслэлийн Онцгой байдлын газар, дүүргүүдийн Онцгой байдлын хэлтэс, Гал түймэр унтраах, аврах ангиуд болон Ус сувгийн удирдах газрын хамтарсан ажлын хэсэг ажиллаж байна.
- Судалгаанд бүртгэлтэй 200 гидрантын хэвийн ажиллагааг шалгах;
- Шинээр суурилуулсан гидрантуудын бэлэн байдал, даралт, холболтыг турших;
- Галын автомашинд ус ачилт хийж, дүүргэлтийн хугацааг тогтоох;
- Гидрантын байршлыг зурагт координатжуулах, тэмдэгжүүлэх;
- Эвдрэл гэмтэлтэй гидрантыг илрүүлж, засварын зардлын тооцоо гаргах;
- Шинээр төлөвлөж буй усан цэгүүдийн байршлыг тодорхойлж, гал түймэр унтраах үйл ажиллагаанд шаардлагатай усан хангамжийн хүртээмжийг нэмэгдүүлэхэд анхаарч ажиллах юм.
СЭТГЭГДЭЛ БИЧИХ