Үндэсний агаарын тээвэрлэгч МИАТ компани Хонг Конг чиглэлд зорчиж буй үйлчлүүлэгч нартаа “Сүүлийн үед Хонг Конг чиглэлд онгоцонд их хулгай гарч байгаа тул өөрийн эд зүйлсээ анхааралтай авч явна уу. Хэн нэгэн бусдын эд зүйлсд хүрч байвал мэдэгдэнэ үү" хэмээн анхааруулж эхэлсэн талаар нэгэн иргэн сошиал хуудастаа хуваалцсан юм.
Бид энэ талаар МИАТ ХК-ас тодруулахад “Дэлгэрэнгүй мэдээлэл өгөх боломжгүй байна. Өмнө нь энэ чиглэлийн онгоцонд хулгайн хэрэг гарч үйлчлүүлэгч нарыг шалган дээр саатуулан шалгаж байсан” гэх мэдээллийг өгсөн. Тус чиглэлийн онгоц үйлчлүүлэгч нараа “Хулгайчаас болгоомжлоорой” гэсэн анхааруулгыг өгөөд нэлээд удаж буй аж. Хамгийн сүүлд өнгөрсөн долоо хоногт тус чиглэлд хулгай гарч бүх зорчигчдыг саатуулж шалгасан байна.
СЭТГЭГДЭЛ БИЧИХ