Засгийн газрын өчигдрийн тогтоолоор Эрдэнэт хотын 50 жилийн ойн баяр наадмыг долоодугаар сарын 24-26-ны өдрүүдэд тэмдэглэхээр шийдвэрлэжээ.
50 жилийн ойн хүрээнд улсын болон олон улсын чанартай 18 урлаг, соёлын үйл ажиллагааг орон нутагт зохион байгуулна.
Тухайлбал, энэ сарын 25-29-ний өдрүүдэд “Хаврын баяр” спорт бүжгийн 31 дэх удаагийн уралдааныг анх удаа улсын хэмжээнд зохион байгуулахаар бэлтгэлээ хангаж байна.
Энэхүү уралдааныг спорт бүжгийн урлагийг хөгжүүлэх, түгээн дэлгэрүүлэх зорилгоор бүх насныхныг хамруулан орон нутагтаа уламжлал болгон зохион байгуулж ирсэн. Эрдэнэт хотын 50 жилийн ойн хүрээнд уг уралдааныг улсын хэмжээнд зохион байгуулснаар бүжгийн урлаг сонирхогчид болон мэргэжлийн уран бүтээлчдийг нэг дор цуглуулж, харилцан туршлага солилцох боломжийг бүрдүүлэх ач холбогдолтой гэж үзэж байна.
Мөн Морин хуурчдын олон улсын 8 дугаар уралдаан, Хүүхдийн найрал дууны улсын уралдаан, Гавьяат багш С.Батболдын нэрэмжит Хойд бүсийн хүүхдийн дууны уралдаан зэрэг томоохон урлаг, соёлын үйл ажиллагааг орон нутагт зохион байгуулахаар төлөвлөж байна.
СЭТГЭГДЭЛ БИЧИХ