Боловсролын сайд Хүүхдийг ивээх сан (Save the Children)-гийнхантай уулзлаа. Тус сан нь Монгол Улсад 40 гаруй сая ам.долларын төсөл, хөтөлбөр, тусламж үзүүлсэн байна.
“Суралцахад ээлтэй, хүртээмжтэй сургууль” төсөл нь 3 жилийн хугацаанд хэрэгжих юм. Төслийн хүрээнд
- “ЕБС-ийн хүүхэд хамгааллын үйл ажиллагааны үлгэрчилсэн загвар” буюу сургуулийн хүүхэд хамгааллын багийг чадавхжуулах гарын авлага,
- “Хүүхэд хамгаалал ба Багшийн ёс зүй” буюу багш бэлтгэх их сургуульд зориулсан гарын авлага, “Сайн эцэг эх” эцэг эхэд зориулсан сургалтын гарын авлага,
- “Би найзаа дэмжинэ” хүүхэд, өсвөр үеийнхэнд зориулсан найз нөхөд, үе тэнгийнхнээ хэрхэн дэмжих тухай сургалтын гарын авлагуудыг хийжээ.
Цаашид:
- Ерөнхий боловсролын сургуулиудад Кембрижийн хөтөлбөрт нийцсэн лабораториудыг иж бүрэн байгуулах,
- Олон улсын стандартад нийцсэн туршилт,
- ️Судалгааны тоног төхөөрөмжөөр хангах,
- Багш нарыг Кембрижийн арга зүйд сургаж,
- Практик сургалтын чанарыг дээшлүүлэх,
- Орон нутгийн сургуулиудыг хотын стандартад хүргэх, хосолсон сургалтын орчныг бүрдүүлэхэд хамтран ажиллах талаар санал солилцлоо гэж Боловсролын яамнаас мэдээлэв.
СЭТГЭГДЭЛ БИЧИХ