Барилгын компаниуд орон сууцыг хямд үнээр эрт захиалгаар санал болгож, иргэдээс урьдчилгаа төлбөр авч барилгын ажил гацах, зогсох, эсвэл бүрэн дуусгахгүй байх тохиолдол түгээмэл байна. Мөн зарим тохиолдолд иргэд төлбөрөө бүрэн төлсөн ч өмчлөх эрхийн гэрчилгээ олгогдохгүй удаашрах, эрх зүйн маргаан үүсэх зэрэг асуудал ихээр гарч байгаа юм. Статистикаас харахад орон сууцтай холбоотой залилангийн хэрэг жилээс жилд өссөн үзүүлэлттэй байна. Тухайлбал, сүүлийн зургаан жилд орон сууцны захиалгын луйвар, залилангийн 2365 хэрэг бүртгэгдэж, нийт дөрвөн мянга гаруй иргэн хохирсон байна. 2019 оноос 2025 оны хугацаанд нийтдээ
216 тэрбум төгрөгийн хохирол иргэдэд учирсан бөгөөд жил бүрийн өсөлтийг харвал 2019 оноос хойш 46 дахин, зөвхөн сүүлийн нэг жилд 3.5 дахин нэмэгджээ. Тухайлбал, 2025 онд гэхэд 104.3 тэрбум төгрөгийн хохирол бүртгэгдсэн нь өмнөх жилүүдээс хамгийн өндөр дүн болж байна.
Иймд иргэдэд сэрэмжлүүлэг болгох үүднээс орон сууцны захиалгатай холбоотойгоор иргэдийг хохироосон гэх барилгын компаниудын жагсаалтыг хүргэж байна. Энэхүү жагсаалтыг хэвлэл мэдээллийн хэрэгслүүдэд нийтлэгдсэн мэдээлэл болон хохирогч иргэдийн гарын үсэг, гомдол дээр үндэслэн нэгтгэсэн болно.
1. “Марч констракшн”- Polaris 2,3, 4
2. “Ажиндай” ХХК- Red Vill Apartment
3. “Ивээлт цамхаг”- Хороолол 54 айл
4. “Сити палас”- Арцат 2
5. “Геоканон”- Баганат өргөө
6. “Богд хурах”- 8 Резидэнс
7. “Мөнгөн капитал”- Sunny vesta
8. “Шинэ гарц”- Шинэ гүрэн
9. “Шинэ яармаг”- Буянт ухаа хороолол
10. “Мабу кики” ХХК- Есөн өргөө
11. “Авес гранд”- Awes grand city apartment
12. “Лонсил даймонд”- Twin diamond
13. “Эбо дайманд”- Twin diamond
14. “Мөнгөн сар хас”- Баганат өргөө
15. “Басма” ХХК- Гималай апартмент
16. “Ай энд жи”- Баянзүрх апартмент
17. “Кросероудс констракшн”- Их тойруу резиденс
18. “Гранд маршал”- Эрхэт монгол
19. “Төгс орд капитал”- Ток таун
20. “Сантора корпераци”- Генерал апартмент
21. “Грийн рессур”- Хөх сувд
22. “Эх газрын жигүүр”- Сот 3
23. “Таёо лакшири”- Хоймор өргөө хотхон
24. “Сэд дэвжих”- Смарт таун
25. “Хатан цамхаг”- 72 хотхон
26. “Голхонда соурс”- Голхонда соурс
27. “Ардын зам”- Тайж вилла
28. “Андын зам констракшн”- Дээдсийн өргөө хотхон
29. “Монтай бүрд” ХХК- Хөх дэгд хотхон
СЭТГЭГДЭЛ БИЧИХ