БОУАӨЯ-аас Туулын хурдны замын “Байгаль орчны менежментийн төлөвлөгөө” батлагдаагүй гэсэн шалтгаанаар төслийг түр зогсоох шийдвэр гаргасан. Тус төслийн Байгаль орчны менежментийн төлөвлөгөөг мэргэжлийн байгууллага гүйцэтгэж, БОУАӨЯ-ны холбогдох албан тушаалтнуудаар батлууллаа. Улмаар тус яамнаас Туулын хурдны замын ажлыг эхлүүлэхийг зөвшөөрлөө.
Энэ талаар БОУАӨ-ийн сайд Ц.Сандаг-Очир "Өмнө нь Туулын хурдны замын байгаль орчны менежментийн төлөвлөгөө батлагдаагүй байсан бол одоо яамны зүгээс эцэслэн баталж, тамга тэмдгээ дарж өгснөөр ажил явах хууль эрх зүйн үндэс нь бүрдсэн. Цаашид Туулын хурдны замын төсөлд хоёр жил тутамд аудитын хяналт шалгалт хийж, үйл ажиллагааг нь тогтмол хянана" гэлээ.
СЭТГЭГДЭЛ БИЧИХ