Хятадын зүүн хэсэгт орших салютын дэлгүүрт гарсан дэлбэрэлт, галын улмаас найман хүн нас барж, хоёр хүн бага зэрэг түлэгдэж гэмтсэн гэж албаныхан мэдэгдлээ. Өнгөрсөн Бямба гаригийн (2026.02.14) үдээс өмнө Жиансу мужийн нэгэн тосгонд дэлбэрэлт болсон. Тус орон нутгийн нэгэн оршин суугч дэлгүүрийн ойролцоо салют буруу ашигласнаас болж осол гарсан гэж албаныхан мэдээлжээ. Дэлбэрэлтийн нарийн шалтгааныг мэдээлээгүй байна. Хятадад Хаврын баярын үеэр шөнө галын наадам хийх нь уламжлал боловч сүүлийн жилүүдэд агаарын бохирдлын улмаас олон газар салют ашиглахыг хориглосон байна. Зарим газруудад өнгөрсөн жил хоригийг сулруулснаар дахин салют хэрэглэх болсон. Хятадын Хаврын баяр Мягмар гаригт (2026.02.17) эхэлж байна. Дэлбэрэлт гарсны дараа Хятадын Онцгой байдлын яам бүх бүс нутгуудыг салют болон тэсрэх бодисын үйлдвэрлэл, тээвэр, худалдаа, хэрэглээг сайтар хянахыг анхааруулжээ. Мөн дэлгүүрийн ойролцоо салют туршихыг хатуу хориглохыг зөвлөсөн байна.
СЭТГЭГДЭЛ БИЧИХ