Ерөнхийлөгч У.Хүрэлсүх "УИХ-ын гишүүнийг эгүүлэн татах" утга бүхий УИХ-ын тухай хуульд нэмээлт, өөрчлөлт оруулах тухай хуулийн төслийг УИХ-д өргөн мэдүүлсэн. Өнгөрсөн долоо хоногийн мягмар гарагт хуралдсан ТББХ-ны хуралдаанаар дээрх хуулийн хэлэлцэх эсэхийг хэлэлцэж 66.7 хувийн саналаар дэмжсэн. Улмаар чуулганы хуралдаанаар хэлэлцэж санал хураах байсан ч гишүүдийн ирцээс шалтгаалан АН-ын бүлэг ажлын нэг хоногийн завсарлага авснаар санал хураалтыг өнөөдөр буюу пүрэв гараг хүртэл хойшлуулсан юм.
Тэгвэл АН-ын бүлгийн завсарлага дууссан тул өнөөдөр 10.00 цагаас эхлэх УИХ-ын чуулганы хуралдаанаар санал хураалтыг явуулна. Хэрэв гишүүдийн олонх дэмжсэн тохиолдолд анхны хэлэлцүүлэгт бэлтгүүлэхээр байнгын хороонд шилжүүлнэ. Харин дэмжээгүй тохиолдолд хуулийн төслийг хууль санаачлагч буюу Ерөнхийлөгчид буцаах юм.
Ерөнхийлөгчийн зүгээс өчигдөр энэ хуулийг баталтал өргөн мэдүүлнэ гэж мэдэгдсэн.
СЭТГЭГДЭЛ БИЧИХ