Новая Газета сонины редактор Олег Ролдугин хувийн мэдээлэл хууль бусаар цуглуулж, ашигласан хэрэгт буруутгагдсан талаар тус сонин мягмар гарагт мэдээлжээ.
Ролдугиныг пүрэв гарагт Москва дахь редакцын байранд цагдаа нар нэгжлэг хийх үеэр баривчилсан байна. Дараа нь шүүхээс түүнийг тавдугаар сарын 10 хүртэл урьдчилан хорих шийдвэр гаргажээ.
Мөрдөн байцаагчид Ролдугин болон “тодорхойгүй бусад хүмүүс”-ийг хувийн мэдээллийг хууль бусаар олж авч, нийтэлсэн гэж буруутгаж байгаа бөгөөд уг хэрэгт дээд тал нь дөрвөн жилийн хорих ял оногдуулж болзошгүй байна.
Ролдугин өөрийгөө буруугүй гэж мэдэгдсэн. Тэр болон түүний өмгөөлөгчид ямар хүний хувийн мэдээллийг хууль бусаар олж авсан гэж буруутгаж байгааг нь мэдэгдээгүй гэж хэлжээ.
Ролдугин нь туршлагатай эрэн сурвалжлах сэтгүүлч бөгөөд ОХУ-ын өндөр албан тушаалтнуудын авлигын талаар, тухайлбал Д.Медведев болон Р.Кадыров нарын талаар мэдээлж байсан гэдгээрээ танигдсан.
Тэрээр Новая Газета-д ажиллахаасаа өмнө 2024 онд “гадаадын агент” гэж зарлагдсаны дараа хаагдсан "Собседник" долоо хоног тутмын хэвлэлд ажиллаж байжээ.
Орос улс Украинд бүрэн хэмжээний халдлага эхлүүлсний дараа хэвлэл мэдээллийн салбарт хатуу цензурын хууль хэрэгжүүлж эхэлснээрНовая Газета хэвлэмэл хувилбараа зогсоосон ч цахимаар нийтлэл, видео контент гаргасаар байна.
СЭТГЭГДЭЛ БИЧИХ