“Саньяа-2026" Азийн элсний VI наадамд өрсөлдөх баг тамирчдыг үдэн гаргах ёслол боллоо

 

БНХАУ-ын Хайнан мужийн Саньяа аралд Азийн элсний VI наадам энэ сарын 22-30-ны өдрүүдэд зохион байгуулагдана. Энэ өдөр ОУ-ын олимпын хорооны гишүүн, МҮОХ-ны ерөнхийлөгч Б.Баттүшиг тус наадамд өрсөлдөх Монголын баг тамирчдад амжилт хүсч, Монгол Улсын тугийг гардуулан өглөө.

14 спортын 15 төрөлд зохион байгуулагдах тус наадамд Монгол Улсаа төлөөлж 8 спортын төрөлд 50 тамирчин өрсөлдөх бөгөөд багийн ахлагчаар МҮОХ-ны гүйцэтгэх зөвлөлийн гишүүн Л.Мягмаржав ажиллах юм.

"Саньяа 2026" Азийн Элсний наадамд оролцох Монголын баг тамирчдын мэдээлэл

• Сагсан бөмбөг 3X3: Эрэгтэй баг 4, эмэгтэй баг 4 тамирчин
• Хөнгөн атлетик: 2 тамирчин
• Элсний Гандбол: Эмэгтэй баг 10 тамирчин, эрэгтэй баг 7 тамирчин
• Триатлон(Акуатлон): 2 тамирчин
• Жюү жицү: 12 тамирчин
• Текбол: 2 тамирчин
• Элсний волейбол: Эмэгтэй баг 2 тамирчин, Эрэгтэй баг 2 тамирчин
• Элсний бөх: 4 тамирчин